க. பொ. த. உயர்தர கலைப்பிரிவு மாணவர்களுக்கு Data Scientist ஆவது சாத்தியமா? Is it possible for GCE A/L Arts Stream students to become Data Scientist?
க. பொ. த. உயர்தர கலைப்பிரிவில் கற்ற / கற்கும் மாணவர்களுக்கு Data Scientist ஆவது சாத்தியமா? ஆம், இது முழுமையாக சாத்தியம் எனக் கூறலாம். முதலில் Data Science என்றால் என்ன? கல்விப் பொதுத் தராதர உயர்தரத்தில் கலைப்பிரிவில் கற்ற ஒரு மாணவர் எவ்வாறு ஒரு Data Scientist ஆக வரமுடியும்? அதற்கான தொழில் முறை வாழ்க்கைப் பாதை என்ன என்பதை இந்தப் பதிவில் விரிவாகப் பார்க்கலாம். Data Science என்றால் என்ன? Data Science என்பது ஒரு பரந்த துறையாகும். இது அதிகப்படியான மற்றும் சிக்கலான தரவுகளிலிருந்து (data) எமக்குப் பயனுள்ள தகவல்களை கணினி மற்றும் புள்ளிவிபரவியல் (statistics) மூலம் பகுப்பாய்வு செய்து தங்களுக்கானஎதிர்காலத்தைக் கணிக்கவும், சரியான முடிவுகளை எடுக்கவும் உதவும் ஒரு அறிவியல் முறையாகும். எளிமையாகச் சொன்னால், எம்மிடம் உள்ள பழைய தரவுகளைக் கொண்டு, எதிர்காலத்தினைத் திட்டமிடுவதற்கும் முடிவுகள் எடுப்பதற்கும் உதவும் ஒரு துறையாகும். இன்று Data Scientist அல்லது Data Analyst களாக தொழில் புரியும் அநேகமானோர், கலைப்பிரிவு (Arts), முகாமைத்துவம் (Management), சமூக விஞ்ஞானம் (So...